اسمعوا صوت مصرى

sokaty: Admin; عدد المساهمات : 269
تاريخ التسجيل : 19/11/2009

مساهمة رقم 1

اسمعوا صوت مصرى

sokaty الجمعة يونيو 01, 2012 1:30 am

اسمعوا صوت مصرى

انا واحد من مؤيدى المؤسسه العسكريه لكن كما تركها السادات .

توكيلى للرئيس كان للسيد عمر سليمان بتاريخ 4/4/20 12 وكنت متحير بينه وبين

الفريق احمد شفيق ولم اكن اتصور كيف سيتم حل هذا الصدام وكيف سيكون التنافس ام التنازل حتى اخرس كل هواجسى طريقه دخول وخروج عمر بيك فادركت انه لا يليق له الا دور الرجل الثانى وهو الاول فى حقيقه الامر وادركت ان الفريق احمد شفيق هو نهايه المطاف بدون صدام كما الذى رأينه بين ال 13 مرشح

وبعد ان ترك المجلس الموقر كل اهتمامتاته وتفرغ لقانون العزل فى حين انه كان وقتها يقاتل من اجل الغاء وثيقه السلمى والحصول على لجنه وضع الدستور ( اساس اللعبه )

( الدوله البرلمانيه وطظ فى الرئيس ) ( قالو مش عاوزين غير 30% .... قال المجلس العسكرى 40% ماشى اخدوا70 % )

( قال المجلس العسكرى 50 % من المجلس و 50 % من بره واعملو لجنه وحطوا الدستور لقيناكوا 80 % بتحطو الدستور ) ( طيب سيبو الشورى خدتوا 80 % طيب النقابات اختوها طيب المحليات اختوها وبتقولو مش عاوزين اغلبيه اتفقتو مع الجيش ملكوش دعوه بالوزاره ولا الرئاسه جبتو الشاطر قولتو تنزلوه رئيس وزراء قلنا لا رحتو منزلينه رئيس جمهوريه ووراه مرسى والدكتور اللى بيلعب على الاثنين وفاكر انه هيكمل )

فى الاول الاخوان مع الجيش كانو فُله

والاخوان مع السلف كانو فُله

لغاية مجلس الشعب وصلو للكرسى اتمرعو

وطلعولك جماعه جواز ال 4 ( الشعب – الشورى- الدستور- الرئاسه )

ولو ختدوها هتبعوها لمين لأيران ولا افغانستان ولا لكبيركم الظوهرى

طبعا لما نيجى نراجع هنلاقى ولاء المؤسسه العسكريه لبلدها اللى اقسمت ليها يمين الولاء

واللى طلعت امه امريكيه يعنى اقسمت يمن ولاء لدوله ثانيه قولتو مايرشحش نفسه

طيب وانتو يا اخوان ولاؤكم لمين للمرشد ولا للام الكبيره مافيا الدين ومقرها .....

والرئيس بقا مصرى واحد مننا ايمن الظوهرى لعبه غبيه اوى

ولما قولنا شفيق قولتوا فلول ولفيتوا وسيبتو سليمان ورجعتو تانى لقانون العزل

طيب شفيق فلول ازاى قبل سنه 2000 كان شفيق قائد سلاح الطيران المنصب اللى خرج منه حسنى رئيس دوله خرج منه شفيق فى عهد حسنى وزير

وهو فريق رئيسه حسنى وهو وزير رئيسه رائيس والوزراء

يبقى كدا ترقيه ولا عزل

مش لو كان من اصاحبه كان سابه طب هو كدا بيحبه ...............................؟؟؟حد يرد

ماشى طُلب منه يبقى رئيس وزراء فى بلد بتضيع لو انت مكانه هتقبل ولا ترفض

طب واشمعنى هو؟؟ هما 2 عارفو يقولو لحسنى لا والثالث كان الشعب

انا حسنى الشعب رافضنى وشفيق وسليمان كانو رافضين نظامى

هو مش عدو عدوى صديقى الشعب مش عاوزنى وشفيق وسليمان مش عاوزنى يبقى لما اجى اسيب اللى مش عاوزنى اسيبه لمين للى كانو رافضين النظام

ومن غير نقطه دم اتفاقيه انسحاب نظيفه

الاخوان مرديوش يسكتوا

لأ!!! دى هتضيع مننا

اخربوها بئا ادى الجمل وادى الناقه وادى البغله ونولعها بالجهله بتوع العشوائيات واطفال الشوارع ( المصايب اللى كنا بنصوت منها زماان ) خربت....! مين الريئس حسنى ......

يمشى..... سليمان فهمها قال مش آعد ادوها للجيش انا لأ

شفيق قال لا اكمل جابلك سفير عمله وزير خلص مشكله المياه فى 3 ايام وحل مشكله فلسطين فى اعدتين ورجع شليط وجبلهم 1082 اسير كله ده 25 يوم وزير من الوزراء فى عهد رئيس وزراء اسمه احمد شفيق والوزير محمد العربى وزير خارجيه

ودلوقتى مسك مكان عمرو موسى فى 45 يوم..

الاخوان هاررررررر اسود ده شفيق طلع حكايه ياله بينا قانون العزل والاهانه وتلفيق التهم

بردو دخل السبق مالوش صوره تعد اكتر من 4 ساعات واهانة لكل المؤيدين و سموهم فلول

وقالو هيزور الانتخابات وبردو مكمل

قالك اساس موقعه الجمل طب ما انا كنت بعيد عن الوزراه والحكومه 6 شهور متمسكتش ليه حرق ملفات امن الدوله اظن كل واحد فينا عارف فى بلده مين اللى حرق امن الدوله

بعساكرها وظباطها وسرقو السلاح ونزلو يهددوك بيه واللى مش فاكر يدور على اليوتيوب

واللى من الاسماعيليه يروح البر الثانى ويسأل واللى عنده كلام على شفيق ويقدر يثبته صوت وصوره يجيب الاثبات وانا اتخلى ان اعطى صوتى الى

سياده الرئيس الفريق احمد شفيق

لانى أنا واحد من مؤيدين الفريق أحمد شفيق بقالي أكتر من سنة و كام شهر من مؤيديه .. و عارف كويس أنا عايز إيه الحمد لله وفاهم اللي أنا بقوله كويس جدا ..

بالنسبة بقى للناس اللي كانوا بيدافعوا عن البرادعي و بعد كدة قلبوا عليه .. و كانوا مع عصام شرف و قلبوا عليه .. و الجيش و قلبوا عليه برده .. و شوية مؤيد أبو إسماعيل طلع كداب قال خلاص خلينا في أبو الفتوح .. و بعد كدة قالك لا يا عم دة شكله بيضحك علينا خلينا في صباحي أحسن و كل 10 أيام بمرشح مختلف و الحسابة بتحسب !! ..

و قبلها مهاجمة الإخوان بكل شراسة و حملة إخوان كاذبون أصلهم باعونا في الميدان و عايزين ياخدوا كل حاجة و عملوا صفقة مع المجلس العسكري و باعونا و عايزين يكوشوا على كل مناصب البلد ..

و اللي شوية يقول حقاطع إنتخابات مجلس الشعب و بعد كدة يقولك لا يا عم حشارك أحسن .. و لازم يعترض على النتيجة و خلاص مع إنه كان حيقاطع أساسا و شوية يقول حقاطع إنتخابات الرئاسة بس شفيق ميكسبش !! .. يــــا سلام ؟!! .. ما إنت كنت قارفنا عشان معترض على الإخوان إنهم كسبوا .. دلوقتي عايز الإخوان يكسبوا عافية و يسلملوهم البلد كلها ..؟.. و بعد ما كان بيقولك أصل الشرع سامحلهم بـ 4 مجلسي الشعب والشورى والدستور والرئاسة .. دلوقتي عايز فعلا يديهم الرئاسة هدية فوق البيعة

وكان زعلان من إستفتاء مارس إنه كان نعم لنصرة الإسلام و لا للعكس .. و متضايق إنهم كانوا بيستغلوا الإسلام في السياسة .. دلوقتي هو اللي بيستغل الدين بنفسه عشان يكسبهم !! LOL.. إستغلال الدين طبعا دلوقتي بقى .. حلالٌ حلالٌ حـــــــلال ^_^
و اللي يقولك لو شفيق كسب يبقى مزورة علشان إنتخابات تحت الحكم العسكري .. و لو واحد تاني كسب يبقى قشطة مش مزورة مع إنها برده تحت الحكم العسكري .. و يا تري مرشحينكم رضيوا ليه يدخلوا إنتخابات معمولة تحت الحكم العسكري أصلا ؟! .. و لا هو إستهبال و خلاص !!
و يقولك أصل شوف شفيق بيهددنا عشان قلنا إننا حننزل نولع في البلد لو هو نجح
( .. إحنا آسفين يا صلاح .. حنخليه يبقى يوفرلكم جراكن البنزين و إزازات المولوتوف عشان تولع إنت و هو في البلد براحتكم .. ما هي وكالة من غير بواب أصلها !!

و يحرضوه على الدستور أولا ينزل يولع عشان الدستور أولا .. و فجأة حرضوه على الرئيس أولا .. ينزل يولع عشان الرئيس أولا .. و يتحمس و يقولك أصل المجلس العسكري مش عايز يعمل إنتخابات مجلس شعب ..و أول ما تبتدي بوادر الإنتخابات يطلع يقولك ما هو عاكل إنتخابات دلوقتي عشان إحنا مش مستعدين وعايز يسلمها لأي حد ولما يأجلهلهم يطلع يقولك أصله بيتأخر عشان ميسلمش السلطة !!
نيجي نقول شايفين أمريكا بتشكر في الفلان الفلاني يقولك هو إنت بتصدق كدب الصهاينة كمان .. بس أما يطلع إشاعة إن إسرائيل عايزة عمر سليمان أو شفيق .. يصدقوا طبعا .. إيه يا عم دة الإسرائيلين مش صهاينة أصلا دول ولاد عمنا !!!

صورة ضده يقولك فوتو شوب ومفبركة من غير مايشوفها حتى .. ييجي يجيبلك صورة ضدك ومفبركة فعلا .. يقولك هو إنت كل حاجة تقول عليها فوتو شوب .. والبوقين الحمضانين اللي حفظناهم خلاص يا عم أنا أصلا فوتو شوب والثورة فوتو شوب والناس اللي ماتوا فوتو شوب !!

تيجي تقوله رأيك يقولك ما إنت فلول .. ولو واحد بايت 24 ساعة في التحرير وجه قال أنا مش عاجبني اللي بيحصل دة بكل بساطة يتقاله إنت بقيت فلول ولا إيه .. وعاملي فيها ثورجي وإنتوا عارفين الباقي !!
يقولك
الإخوان عملوا صفقة مع الثورجية .. الإخوان عملوا صفقة مع المجلس العسكري ..
الإخوان عملوا صفقة مع أمريكا .. الإخوان عملوا صفقة مع الشيطان ..
و فجــــــــــــــــاة !! ..
ما تعملوا و النبي صفقة مع صباحي وأبو الفتوح عشان ننتخبكم ^_^
LOL !!!
يا ريت أما تعرف إنت عايز إيه بالظبط إبقى تعالى قولي هو إنت إزاي مختار شفيق !!! و إبقى كلمني بالمنطق أما تلاقيه الأول عشان أقتنع بكلامك ..

أصل مفيش حد فيكوا طلع قال إنه غلط .. لا إنتوا بتكملوا وخلاص !!

غير كدة متفضلش تحور عليا و تحورعلى نفسك ومستني مني رد !!

المقال دة ليه تكملة طويلة جدا ..
بس حكمله كمان شوية ..
واللى مستعجل يكلمنى 01280103010